الإجازات وصلاحيات الفريق

سجّل إجازة

1. افتح الإجازات واضغط طلب إجازة جديد.
2. اختار الموظف ونوع الإجازة، والتاريخ من وإلى، واكتب السبب لو حابب.
3. من طلبات معلقة اضغط موافقة أو رفض (مع سبب الرفض).

الإجازة المدفوعة بتتحسب في المرتب عادي، وإجازة بلا أجر والإجازة العارضة بيتخصموا. الإجازة ما بتتسجلش على أيام الموظف بصم فيها.

أنواع الإجازات

نظام بيبدأ بالأنواع دي، وتقدر تعدّلها أو تضيف نوع من تبويب أنواع الإجازات:

• مدفوعة: سنوية (30 يوم)، مرضية (14)، طوارئ (5)، زواج (7)، أمومة (90)، أب (3)، حج (30).
• غير مدفوعة: عارضة، وبلا أجر.

ضيف حد من فريقك

1. افتح الفريق والصلاحيات ← الحسابات واضغط إضافة حساب.
2. اكتب اسم المستخدم وكلمة المرور والاسم، واختار الدور.
3. ابعتله اسم المستخدم وكلمة المرور، ويدخل من صفحة الدخول.

عدد الحسابات حسب الباقة: 3 في باقة حتى 10 موظفين، و10 في باقة من 11 لـ 30، و50 في باقة أكثر من 30.

الأدوار

• مدير النظام: كل حاجة.
• مدير الموارد البشرية: الموظفين والحضور والإجازات والتعديلات، ويشوف الرواتب. ما بيحسبش الرواتب وما بيغيرش الإعدادات.
• محاسب: الرواتب (حساب، قفل، تصدير)، والموافقة على المكافآت والخصومات والسلف.
• مشرف: تعديل الحضور والإضافة اليدوية، والموافقة على الإجازات. ما بيشوفش المرتبات.
• مشاهد: يشوف بس من غير ما يعدّل.

محتاج تركيبة مختلفة؟ من تبويب الأدوار اضغط إضافة دور واختار الصلاحيات بنفسك.