تقفيل رواتب الشهر
توليد كشوف الرواتب من الحضور، مراجعة الإضافي والسلف والمكافآت، وقفل الراتب.
آخر تحديث:
الخطوات في آخر الشهر
- افتح الرواتب، واختار الشهر من الفترة، واضغط توليد كشوف الرواتب. نظام بيعمل كشف لكل موظف نشط.
- لو عدّلت حضور بعد التوليد، اضغط تحديث من الحضور عشان الكشوف تتحسب تاني.
- افتح كشف كل موظف بزرار عرض وراجع الأيام والتأخير والإضافي.
- وافق على الإضافي المعلّق (يوم بيوم، أو موافقة كل الساعات الإضافية المعلقة).
- ضيف أي مكافأة أو خصم أو سلفة ووافق عليها.
- اضغط قفل الراتب لكل موظف بعد ما تراجعه.
حالة الكشف
- مسودة: فيه حاجة لسه مستنية موافقتك، غالباً إضافي.
- بانتظار الموافقة: مفيش حاجة معلّقة، والكشف جاهز للقفل.
- مقفل: الكشف خلص ومش هيتغير.
إيه اللي بيدخل في المرتب؟
- سعر الساعة: الراتب الشهري ÷ أيام الشغل في الشهر ÷ متوسط ساعات اليوم.
- التأخير والانصراف المبكر: الوقت ده ما بيتدفعش. ولو حطيت معامل خصم التأخير 2، بيتخصم الوقت + جزاء قده.
- الغياب: بيتخصم حسب نسبة خصم الغياب من أجر اليوم.
- الإضافي: بيتحسب بسعر الساعة × معامل الإضافي (وفيه معامل منفصل للعطل).
- الإجازات: المدفوعة بتتحسب عادي، و«بلا أجر» بتتخصم.
- التأمينات: حسب بيانات كل موظف.
- مكافأة الحضور الكامل: للي حضر كل الأيام من غير تأخير ولا انصراف بدري، وبتتحسب بعد ما الشهر يخلص.
- المكافآت والخصومات والسلف: اللي اتوافق عليها بس. السلفة بتتخصم كلها في الشهر اللي تختاره.
المعاملات والنسب دي بتتظبط من إعدادات الشركة ← قواعد الرواتب.
مين يقدر يعمل إيه؟
- توليد الكشوف وقفلها: مدير النظام والمحاسب.
- فتح كشف مقفل: مدير النظام بس.
- الموافقة على المكافآت والخصومات والسلف: مدير النظام والمحاسب.
تصدير وطباعة
من صفحة الرواتب: تصدير Excel، أو طباعة كشف الرواتب. ولكل موظف قسيمة تبعتهاله على واتساب، زي ما هو مشروح في قسيمة المرتب على واتساب.
لسه محتاج مساعدة؟
ابعتلنا على واتساب وقول اسم الصفحة دي، وهنساعدك خطوة بخطوة.
كلمنا على واتساب