حل مشاكل ربط الجهاز

حالة الجهاز معناها إيه؟

في إعدادات الشركة ← الأجهزة كل جهاز عليه حالة:

• متصل: الجهاز كلّم نظام في آخر دقيقتين. كله تمام.
• متأخر: آخر اتصال كان من 2 لـ 30 دقيقة. غالباً النت بطيء أو بيقطع.
• غير متصل: مفيش اتصال من 30 دقيقة أو أكتر.
• في انتظار أول اتصال: الجهاز اتسجل بس لسه ما اتصلش ولا مرة.

نظام كونكت مش لاقي الجهاز

1. اتأكد إن الكمبيوتر والجهاز على نفس الشبكة (نفس الراوتر).
2. اتأكد إن الجهاز شغال ومتوصل بكابل الشبكة أو الواي فاي.
3. اعرف عنوان الـ IP من قائمة الجهاز (Comm. ← Ethernet) واكتبه بإيدك في البرنامج.

الكود بيقول غلط أو منتهي

• الكود صالح 15 دقيقة بس، وبيستخدم مرة واحدة.
• كل ما تضغط كود جديد الكود اللي قبله بيتلغي، فاكتب آخر كود ظاهر.
• لو كتبت كود غلط كذا مرة ورا بعض، استنى دقيقة وجرّب تاني.

الجهاز «غير متصل»

• اتأكد إن الجهاز شغال وإن النت في المكتب شغال.
• البصمات مش بتضيع: الجهاز بيحفظها جواه، وأول ما يرجع يتصل بتوصل لنظام لوحدها.
• لو الجهاز فضل مقطوع ساعة في وقت الشغل، مدير النظام ومدير الموارد البشرية بيوصلهم تنبيه. ولما يرجع بيوصلهم «رجع الاتصال» ومعاه عدد البصمات اللي وصلت.

البصمة وصلت بس مش ظاهرة عند الموظف

نظام بيربط البصمة بالموظف عن طريق كود الموظف، ولازم يكون نفس رقم الموظف على الجهاز.

1. افتح القوى العاملة ← الموظفين واستخدم فلتر بصمة غير مسجلة عشان تشوف مين ناقصه بصمة.
2. لو الموظفين متسجلين على الجهاز بأرقام تانية، اضغط طلب الموظفين من الجهاز: نظام هيضيف كل موظف من الجهاز برقمه، وبعدين كمّل بياناته.

وصلت بصمات قديمة مش عايزها

من كارت تجاهل البصمات القديمة في نفس الصفحة، اختار تاريخ: أي بصمة قبل التاريخ ده مش هتتحسب.