ابدأ مع نظام في 15 دقيقة

1. اعمل حسابك

افتح صفحة التسجيل واملأ 3 خطوات قصيرة:

1. بيانات الشركة: اسم الشركة بالإنجليزي (مطلوب) وبالعربي (اختياري).
2. حساب المدير: اسمك، بريدك، واسم مستخدم وكلمة مرور (8 حروف على الأقل). هتدخل بعد كده باسم المستخدم وكلمة المرور.
3. الإعدادات الإقليمية: الباقة المناسبة لعدد موظفينك، والمنطقة الزمنية (القاهرة)، والعملة (جنيه مصري). بعدها اضغط إنشاء مساحة العمل.

نظام بيجهزلك تلقائياً: جدول دوام اسمه «دوام عادي» (من 8 الصبح لـ 5، الأحد للخميس)، وأنواع الإجازات المعتادة، والأدوار الأساسية للفريق.

2. جهّز الشركة

بعد التسجيل هتفتح شاشة التجهيز، فيها 5 خطوات: الشركة، الهوية، الحضور، الربط، الرواتب. اختار أيام العمل، وارفع اللوجو لو حابب، وراجع قواعد الرواتب.

في خطوة الربط هيسألك «نوع جهاز البصمة عندك إيه؟». لو الجهاز جنبك دلوقتي كمّل الربط، ولو لأ اضغط تخطي الآن وارجعله بعدين من الإعدادات.

3. ضيف الموظفين

من القوى العاملة ← الموظفين اضغط إضافة موظف. كل موظف بياخد كود تلقائي، والكود ده هو رقمه على جهاز البصمة. التفاصيل في إضافة الموظفين.

4. اربط جهاز البصمة

نزّل برنامج نظام كونكت على أي كمبيوتر في المكتب على نفس شبكة الجهاز، واكتب كود الربط اللي بيظهر في إعدادات الشركة ← الأجهزة. الخطوات بالصور في ربط جهاز البصمة.

5. تابع أول يوم

أول ما الموظفين يبصموا، البصمات بتظهر في الحضور ← اليومي: مين جه في ميعاده، مين اتأخر، ومين نسي البصمة. في آخر الشهر تطلع الرواتب من نفس الحضور، زي ما هو مشروح في تقفيل رواتب الشهر.